_edited.png)
ТАҚЫРЫП ТАПСЫРМАЛАРЫ
ОҚУ МАҚСАТЫ:
-
7.3.2.1 Python программалау тілінде тармақталған алгоритмдерді жазу.
№1
Асықтың түріне сәйкес ұпай есептеу
Мақсаты: Әр асықтың түріне сәйкес ұпай есептеу бағдарламасын құру. Бұл тапсырмада балалардың ұпай жүйесін дұрыс түсінуі және оны есептеу дағдыларын дамыту көзделеді.
Тапсырма:
Әр ойыншыға әртүрлі асықтар иіру ұсынылады. Әрбір асықтың түріне сәйкес ұпай беріледі. Асық түрлері мен ұпайлары төменде көрсетілген:
• Алшы: 5 ұпай
• Тәйке: 3 ұпай
• Бүге: 2 ұпай
• Шіге: 1 ұпай
Қолданушы үш асық иірген соң жалпы ұпайды есептеп, экранға шығару қажет.
Алгоритм:
1. Қолданушыдан үш асықтың түрін енгізуді сұрау.
2. Әрбір асықтың түрін анықтап, ұпайларды қосу.
3. Барлық ұпайларды қосып, нәтижені экранға шығару.
БІЛУ
ТҮСІНУ
ҚОЛДАНУ
ТАЛДАУ
БАҒАЛАУ
ЖИНАҚТАУ
№2
Қазақ хандығының әрбір ханы ел басқаруында маңызды рөл атқарды. Бұл тапсырма белгілі бір ханның билік еткен жылдарын енгізу арқылы оның дәуіріне сәйкес тарихи ақпарат беруге көмектеседі. Пернетақтадан жылды енгіз:
Егер енгізілген жыл 1465-1473 аралығында болса, «Бұл жылдары Қазақ хандығының негізін қалаушылар Керей мен Жәнібек хан билік етті» деген хабарлама шығады.
Егер енгізілген жыл 1511-1523 аралығында болса, «Бұл жылдары Қасым хан билік етті, оның тұсында Қазақ хандығы күшейіп, заң жүйесі қалыптасты» деген ақпарат беріледі.
Егер енгізілген жыл 1680-1715 аралығында болса, «Бұл жылдары Тәуке хан билік етті. Ол "Жеті Жарғы" заңдар жинағын шығарды» деген хабарлама көрсетіледі.
Егер енгізілген жыл 1771-1781 аралығында болса, «Бұл жылдары Абылай хан Қазақ хандығын басқарды. Ол елдің тәуелсіздігін сақтау үшін күресті» деген ақпарат шығады.
Егер енгізілген жыл осы хандардың ешқайсысының билік ету кезеңіне сәйкес келмесе, «Бұл кезеңде басқа хандар билік етті немесе Қазақ хандығының дәуіріне жатпайды» деген хабарлама беріледі.